Snotur skrið- eða hengiplanta sem upprunnin er í Suður-Afríku og
hentar vel á sólríkum stað en ekki beinni sól og hún þolir þurrt loft
ágætlega. Vinsæla pottaplanta víða um heim og hefur reynst vel hér á
land.

Með löngum og grönnum stönglum sem geta orðið vel á annan metra
að lengd og litlum ljós- eða dökkgrænum, gagnstæðum og hjartalaga
blöðum með áberandi blaðæðum. Blöðin þykk og geyma vel vatn.
Hún launar gott atlæti með litlum bleikum eða fjólubláum blómum
sem er upprétt og pípulaga.

Planta þrífst vel í hefðbundinn og aðeins sandblendinni mold og við
10 til 24° á selsíus og gildir lægra hitastigið á veturna. Gott er að úða
með volgu vatni í kringum annað slagið og vökva með daufri
áburðarlausn á tveggja vikna fresti yfir vaxtartímann á sumrin.
Umpottað eftir þörfum þegar ræturnar hafa fyllt út í pottinn.

Talsverður ruglingur er á heiti plöntunnar og að minnsta kosti þrjú
nöfn í gangi hjartaband, hjartastrengur og rósahjarta og tengjast þau
öll lögun blaðanna. Tvö þýdd úr ensku, þar sem nafnaruglingurinn er
ekki minni, og planta kallast chain of hearts, collar of hearts, string of
hearts, rosary vine, hearts-on-a-string og sweetheart vine. Heitið
rósahjarta er líklega komið úr dönsku.

Á latínu kallast hún Ceropegia woodii. Ættkvíslarheitið Ceropegia er
úr grísku, keros og pege, vax og uppspretta en tegundarheitið woodii
er kennd er við John Medley Wood sem var uppi 1827 til 1915 og
forstöðumaður grasagarðsins í Durban í Suður-Afríku.

- Vilmundur Hansen.